E Levve donoh

Die Frau luurt janz deef en ding Auge

Do sühs die Ping en ehrem Bleck

Se es met drei Pänz he jestrandet

Denn doheim, do es jetz Kreech

Wenn dir nur noch en Koffer bliev

Söns nix mih, bes op dat am Liev

 

Ehre Mann kämf en däm Land

Dat üvver Naach wood üvverrant

Öm de Freiheit zo bewahre

Muss hä de Höll op Ääd erdrage

Denn: „Frieden schaffen ohne Waffen“

Wor leider nur ne schöne Draum, ne schöne Draum

Jitt et e Levve donoh, e Levve donoh?

Ohne Hass un ohne Kreje 

Ohne Terror, ohne Löje, wann kütt die Zick?

Jitt et e Levve donoh, e Levve donoh?

Wie lang müsse mer noch waade?

Wie lang noch drüvver schwaade?

Die Hoffnung deit uns drage bes zoletz

En e Levve donoh – e Levve donoh

 

En de letzte 70 Johr

Kome mir doch janz jot klor

Bes die Muure sin jefalle

Dä Rof noh Freiheit laut dät schalle

Wor dä Draum vun Fridde noh

Su noh hä vürher niemols wor

 

Es jetz die Seifeblos jeplatz?

Dä Vürhang fällt widder eraff

Kreech kennt immer nur Verlierer

Dud un Leid, dat sin die Sieger

Hät dat dann niemols e Eng?

Mir han uns Schicksal en de Häng

Jitt et e Levve donoh, e Levve donoh?

Ohne Hass un ohne Kreje 

Ohne Terror, ohne Löje, wann kütt die Zick?

Jitt et e Levve donoh, e Levve donoh?

Wie lang müsse mer noch waade?

Wie lang noch drüvver schwaade?

Die Hoffnung deit uns drage bes zoletz

En e Levve donoh – e Levve donoh

Millione Trone klage aan

Woröm kei Kind mih laache kann

Dat Leid, dat deef em Hätze schreit

Jehürt en de Verjangenheit

Domet de Sonn ens jän opjeit

Jitt et e Levve donoh, e Levve donoh?

Ohne Hass un ohne Kreje 

Ohne Terror, ohne Löje, wann kütt die Zick?

Jitt et e Levve donoh, e Levve donoh?

Wie lang müsse mer noch waade?

Wie lang noch drüvver schwaade?

Die Hoffnung deit uns drage bes zoletz

En e Levve donoh – e Levve donoh

(Et jitt e Levve, et jitt e Levve, et jitt e Levve donoh…)

Text: Bläck Fööss, Nikolaj Grunwald, Peter Wieschermann

Musik: Nikolaj Grunwald, Peter Wieschermann