top of page
  • Facebook
  • YouTube
  • Instagram

Jeisterfahrer

Ungerwähß em Land der Denker, naahx om Boulevard. 

Mitternacht, Jeisterstund, op eijene Jefahr. 

Föhls dich wie `ne Jeisterfahrer, Tankuhr beinah leer. 

Nirjendwo en Ausfahrt un se kummen immer nöher: 

 

Die Zecken der Vergangenheit em Röckspejel un do 

dä Rattefänger, dä dich op der Standspur övverhollt. 

Verröckte führe Blinde un die Sherpas kehren öm. 

Frööschs dich ernsthaft ob mer sich 

ahn all dä Driss jewönnt. 

 

Un su dreist wie enn`ner Parship-Werbung 

lüjen se dich ahn. 

Mogelpackung, falsche Träne, 

Botox, Silikon. 

 

Un du küss dir wie`ne unfreiwillije 

Jeisterfahrer vüür, 

ungerwähß em Land der Einschaltquoten, 

der Profite un dä Gier. 

 

Röcksichtlslose Opjepumpte kumme dir entjäje, 

blenden op un fluche, weil du immer nur em Wääsch bess. 

Populiste hetze ohne Sinn, ohne Verstand. 

Borniertheit un Hybris kumme miehstens Hand in Hand. 

 

Will och keiner wesse, wat ahm seid`ne Faden hängk. 

Dä Stärkere jewennt, et weed jnadenlos verdrängk. 

Heimathirsche, Scharlatane schleimen öm die Wett. 

Jeisterfahrer hann die Roll vum allerletzte Depp. 

 

Un su dreist wie enn`ner Parship-Werbung 

lüjen se dich ahn. 

Mogelpackung, falsche Träne, 

Botox, Silikon. 

 

Un du föhls dich wie ne Jeisterfahrer, 

opjekratzt un schlecht, 

ungerwähß em Land der Dichter`n Denker, 

zwesche Hölderlin un Brecht. 

 

Katzejold als Sensation, 

jetürkte Emotion, 

Ballermann un Dschungelcamp. 

Scheißejal, die Quote stemmp! 

 

Un su dreist wie enn`ner Parship-Werbung 

lüjen se dich ahn. 

Mogelpackung, falsche Träne, 

Botox, Silikon. 

 

Föhls dich wie dä letzte Mohikaner, 

abserviert, 

met jeplatzte Illusione, 

manisch deprimiert. 

 

Echt, du küss dir wie`ne unfreiwillije 

Jeisterfahrer vüür, 

ungerwähß em Fatalismus, 

Seifenoper-Eskapismus, 

ungerwähß em Land der Arschjeweihe, 

zwesche Rosenheim un Kiel. 

bap.de/songtext/jeisterfahrer/ 

Arsch huh,

Zäng ussenander

Arsch Huh e.V. ist eine Initiative,
die 1992 von Musikern und Musikerinnen gegründet wurde.
Wir engagieren uns gegen Neonazis, Rassismus und Ausgrenzung und für eine solidarische Stadtgesellschaft.

E-Mail-Adresse: info@arschhuh.de

Telefon: +49 (0) 221 2588391

Newsletter erhalten?!

Danke! Wir haben zur Bestätigung einen E-Mail an ihre Adresse geschickt. Bitte das Newsletter-Abonnement per Klick auf den Button bestätigen.

© 2022 Arsch Huh e.V. |  Impressum  |  Datenschutz 

bottom of page