Arsch huh, Zäng ussenander!

Dat Hätz dä Kölsche – Song und Text

Cover Dat Hätz dä Kölsche

Zum Vorhören und Mitsingen bei der Arsch huh-Veranstaltung „Du bes Kölle! Wähle jon – Demokratie braucht keine Alternative!“ am 27.8. ab 16 Uhr auf dem Hohenzollernring hier der Song und Text zu unserer aktuellen Kampagne.

DAT HÄTZ DÄ KÖLSCHE (M. & T.: Arno Steffen)

Vers 1:
Bombenterror, Angst – de Minschlichkeit verjesseSu han he de Minsche nom Kreech jesesse
Die Würde – der Glaube – de Zokunft jestolle
Dat darf sich he nie mih wiederholle

Vers 2:
Du bes Kölle, jeder es ne kleine Deil
mir packen et zesamme an – zesamme es et jeil
Jung un alt – stark un schwach
All zesamme – och wenn et öfters krach

Bridge:
Braunsfeld, Klettenberg,Müngersdorf un Düx,
Sülz, Weiden, Longerich, Neppes, Nehl un Vings,
Porz, Hahnwald, Dellbrück, Maueheim un Jremberch
Un och Marienburg sull wähle jon

Refrain:
Altstadt Nord oder Altstadt Süd
Scheißejal, wo dat Hätz da Kölsche litt
Et schlät fründlich, frei am Puls d’r Zick
Keine Bock op Extremismus un Hass op fremde Lück

Vers 3:
All die jetz op Facebook un Twitter hetze
Die wolle unser Demokratie verletze
Also, Wähle jon für Freiheit un unser Dräum
ARSCH HUH! – Scheck se zoröck en de Echoräum!

Bridge:
Zollstock, Beckendorf, Ossendorf un Pesch,
Kalk, Müllem, Ihrefeld, Bockelemünd un Brück,
Chorweiler, Ostheim, Vujelsang un Esch
Un och Lindenthal sull wähle jon

Refrain:
Altstadt Nord oder Altstadt Süd
Scheißejal, wo dat Hätz da Kölsche litt
Et schlät fründlich, frei am Puls d’r Zick
Keine Bock op Extremismus un Hass op fremde Lück

B Teil:
Scheindemokraten – Demagogen
„Wir sind das Volk“ – der Satz ist gestohlen
Also: Wähle jon und dä ARSCH HUH!
Wohin ding Stadt jeit bestemms DU!

Refrain:
Altstadt Nord oder Altstadt Süd
Scheißejal, wo dat Hätz da Kölsche litt
Et schlät fründlich, frei am Puls d’r Zick
Keine Bock op Extremismus un Hass op fremde Lück

CODA:
keine Bock op Extremismus un Hass op fremde Lück

Artikel teilen!

Kommentar hinterlassen